Бугарија има резултат што е подобар од просечниот економски пад во ЕУ
Објавено во: Економија 16 Февруари, 2021
Соседна Бугарија е на второ место меѓу земјите членки на ЕУ според економскиот раст.
Само Романија се наоѓа пред нашиот источен сосед, со раст на Бруто домашниот производ од 5,3 отсто, јави дописникот на МИА од Софија. Бугарскиот Бруто домашен производ во четвртиот квартал на 2020 година е 3,8 отсто под нивото од истиот период претходната 2019 година. Бугарија има резултат што е подобар од просечниот економски пад во ЕУ, што изнесува 4,8 отсто, но дури девет земји од Унијата имаат подобри резултати од Бугарија.
Во просек во земјите од ЕУ економијата во четвртиот квартал од 2020 година се намали за 0,4 отсто во споредба со претходниот. Тоа најмногу се должеше на големиот пад на БДП во Австрија од 4,3 отсто, во Италија за два отсто, а во Франција за 1,3 отсто. Само во две земји од ЕУ има пад на економијата во споредба со претходниот квартал,а тоа се Полска (-0,7 отсто) и Холандија (-0,1 отсто), додека во сите други има раст.
Најмал пад на БДП на годишно ниво има во Литванија (-1.3 отсто), Летонија и Романија (по -1.7 отсто). Најголем пад на БДП има во Шпанија (-9,1 отсто), Австрија (-7,8 отсто) и Италија (-6,6 отсто). Пандемијата ги погоди повеќето економии.
foto freepik