Чешка го одби барањето на Кина за помош во медицински материјали против корона вирусот
Објавено во: Свет 01 Февруари, 2020
Чешка го одби барањето на Кина за испраќање на медицински материјали, како ракавици, заштитни маски и специјална облека како и други реквизити во борбата против неутрализацијата на опасниот корона вирус.
Според премиерот Андреј Бабиш, Чешката Република нема начин да го испочитува барањето на Кина за хуманитарна помош заради ширењето на новиот корона вирус. Според него, на Чешката Република и требаат резерви за своите граѓани. Тој веќе одговорил негативно на барањето во петокот од кинескиот амбасадор, кој побара помош од Чешка.
Ева Готвалдова, одговорна за медицински санитетски материјал, во петокот изјави дека кинескиот амбасадор побарал да се разгледа хуманитарната помош што ја спречува инфекцијата. Кина има поднесено слично барање на Европската унија како целина.
Управата за материјални резерви во средата извести дека подготвила илјадници реквизити во случај на епидемија - залихите кои првенствено се за итни случаи во Чешка.
„Според извештајот на Министерството за здравство, ние немаме начин да помогнеме, затоа што ни се потребни овие материјали за нашиот народ“, рече Бабиш.