Држава го менува својот главен град, затоа што актуелниот тоне и е загаден
Објавено во: Свет 26 Август, 2019
Индонезија ќе си го смени главниот град.
Оваа држава главниот град го сели од Јава на Борнео. Во избраната област има мали ризици од појава на поплави, земјотреси, цунами и вулкански ерупции.
Главниот град ќе биде преместен од пренатрупаната, загадена Џакарта, која тоне, во провинцијата Источен Калимантан.
Претседателот Јоко Видодо на прес-конференција денеска изјави дека одлуката да се одбере провинцијата на индонезиската страна на островот Борнео, кој го делат со Малезија и Брунеите, поминала низ детални студии. Тој рече дека идеална локација за новиот главен град е шумската област на границата меѓу регионите Пенаџам Пасер и Кутаи Кертанегара, пренесува АП.
„Локацијата е стратегиски избрана, таа е во центарот на Индонезија“, рече Јоко.
Џакарта е растечка метропола од 10 милиони луѓе, а трипати повеќе луѓе живеат во нејзината поширока област.
Предлог-законот за новиот главен град ќе биде одобрен утре.