ЕК СЕ ПРАВДА: Невкусни се коментарите дека Јункер бил пијан
Објавено во: Свет 13 Јули, 2018
Портпаролот на Европската Комисија, Маргаритис Шинас вели дека претседателот Жан Клод Јункер имал болен напад на ишијас на Самитот на НАТО.
Вели дека се невкусни пишувањата на медиумите дека Јункер бил пијан.
„Во средата вечерта, тој имаше особено болен напад на ишијас, кој го следеа и грчеви“- вели Шинас.
Кажа и дека Јункер е благодарен за помошта која му ја пружија премиерите на Холандија и на Португалија.
Јункер пред гала вечерата на лидерите на НАТО, изгуби рамнотежа неколку пати, одеше несигурно и се сопнуваше.
Меѓу луѓето кои му помогнаа да се симне по скали беше и премиерот Зоран Заев.И за време на мировниот самит на Обединетите нации лани медиумите пишуваа дека бил пијан, се тетеравел, зборувал со повишен тон, и дофрлал.