ЕВН привремено нема да исклучува должници, нема да отчитува броила и нема да реализира нови приклучоци освен во итни случаи
Објавено во: Мои пари 18 Март, 2020
Со цел делување во насока на спречување на ширењето на корона вирусот и согласно мерките и препораките на Владата и Регулаторната комисија за енергетика, ЕВН ги презема сите мерки за работа во специфични услови со цел заштита на корисниците и вработените. Не треба никој да биде загрижен за дистрибуцијата на електрична енергија и за одржување на системот за дистрибуција, тоа е работа на ЕВН. Снабдувањето со електрична енергија е стабилно, екипите работат согласно плановите за делување во вонредни состојби.
Во периодот додека на сила се вонредните мерки нема да се исклучуваат корисници и нема да се изведуваат нови приклучоци освен оние кои се неопходни да се реализираат. Нема да се отчитуваат мерните места најмалку еден месец, поради што корисниците ќе добијат сметки со проценети вредности, слично како во летниот период (просек од потрошувачката во последните 12 месеци). По завршување на вонредните мерки, со следното отчитување ќе се израмнат евентуалните отстапувања направени при проценка на потрошувачката.
Додека трае вонредната состојба нема да работат приемните канцеларии во сите Кориснички енерго центри на ЕВН, како и Инфо центарот во Скопје. Корисниците во овој период треба да ги користат онлајн услугите на ЕВН кои се достапни на страната www.evnonline.mk и во случај на итност телефоните за контакт во секој Кориснички енерго центар.
Вработените во Диспечерскиот центар од каде што се управува дистрибутивната мрежа во земјава се целосно изолирани од другите вработени како мерка за заштита од вирусот. Сите други вработени работат според планот изготвен за работа во специфични состојби. Функционирањето на ЕВН е од национален интерес, а тоа е да се овозможи непреченото снабдување со електрична енергија како и одржувањето на потребната инфраструктура и сервисирање на неопходните услуги на корисницитеТокму затоа сите мерки во овој момент се насочени кон непречено функционирање на тимовите на ЕВН, на заштитата на корисниците и вработените од ширење на корона вирусот.
Можеби ќе ве интересира
Преку „Рамка за помош“, НЛБ Банка ја поддржува грижата за менталното здравје на адолесцентите: М–р Лариса Стојковиќ Трајкоска од Центар за раст и развој на личноста „Синтеза“
Одбројуваме уште 15 дена до Конференцијата за комерцијални недвижности
БИМИЛК во Битола го носи д-р Ранко Рајовиќ за да го одбележи Светскиот ден на семејството
Караванот „Не е до нив, до тебе е“ денеска патува до својата крајна станица – Drunken Monkeys
АПРИЛ ВОЗБУДЛИВ ЗА ИГРАЧИТЕ НА ВЛТ: ВИДЕОЛОТАРИЈА КАСИНОС АВСТРИЈА ИМ ИСПЛАТИ НА ИГРАЧИТЕ ФАНТАСТИЧНИ 46.238.549 ДЕНАРИ
Регионална кампања „Вистината е важна“ за опасностите кои ги носат дезинформациите и говорот на омраза
Дали се сеќавате на оваа игра? Би ја играле и денес?
Осум каратисти на „Макпетрол“ ќе учествуваат на Европскиот Шампионат во Хрватска
Посакувам да бидеме дел од трите регионални финалисти на „Рамка за помош“ на НЛБ Групацијата и токму нашиот проект да стане реалност: Сашко Јованов од Здружението за поддршка и развој „Хуманост“
