ФАКТОР НА ДЕНОТ: Спречен е обид за атентат на Зеленски, а Русија ќе употреби нуклеарно оружје ако биде загрозено нејзиното постоење

РУСИЈА ЌЕ УПОТРЕБИ НУКЛЕАРНО ОРУЖЈЕ АКО БИДЕ ЗАГРОЗЕНО НЕЈЗИНОТО ПОСТОЕЊЕ

Русија ќе употреби нуклеарно оружје само доколку биде загрозено нејзиното постоење, вели портпаролот на рускиот претседател, Дмитриј Песков. 

Песков наведува дека целта на руската инвазија врз Украина не е окупација на земјата, пренесе Тасс.

Портпаролот Песков изјави дека никој не мислел дека „специјалната воена операција“ во Украина ќе трае само неколку дена и дека целата кампања уште се планира.

ДЕНЕС ИМА 310 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје дека во последните 24 часа:

Направени се 2.609 тестови, а регистрирани се 310 нови случаи на КОВИД-19: Скопје – 199, Битола – 19, Куманово – 15, Кавадарци – 13, Прилеп – 9, Охрид и Штип –по 8, Велес – 5, Струмица, Гевгелија и Ресен – по 4, Тетово и Гостивар – по 3, Делчево, Богданци и Демир Хисар – по 2, Кичево , Кочани ,Неготино ,Радовиш , Крива Паланка, Дебар, Валандово, Виница , Кратово и Македонски Брод – по 1.

РКЕ ГИ ОБЈАВИ ЦЕНИТЕ НА ГОРИВАТА

Бензинот и дизелот од полноќ ќе се продаваат по иста цена, додека поскапува мазутот за два денари, објави Регулаторната комисија за енергетика(РКЕ). 

ЧИТАЈТЕ УШТЕ

Поради војната, Украина ќе претрпи големи демографски штети. Демографот Дончо Герасимовски вели дека во нормални околности, луѓето мигрираат поради повисоки плати, подобри услови за живот, но сега имаме присилно раселување. 

Цел град го пребаравме во саботата и никаде не ни дадоа масло за јадење. Дури вчера најдов во еден маркет, ама и тоа беше „со врски“, изјави за Фактор жителка на Кочани. Иако попладнето купи зејтин по 105 денари за литар, изјави дека на полицата немало, туку успеала да го земе со познат кој работи во маркетот. 

Скопската рафинерија на нафта ОКТА е главниот снабдувач на државните задолжителни резерви со нафта, и за таа цел во февруари наплатила 2,3 милиони евра.

Голема е побарувачката на работници, особено од Македонија, за сезонска работа на хрватската ривиера. Дефицитарна работна сила најчесто се менаџери, готвачи, пица - мајстори, келнери - претежно од угостителскиот сектор.