(ФОТО) Чорапите на Трудо главна атракција во Давос
Објавено во: Свет 25 Јануари, 2018
Албанскиот премиер Еди Рама често шокира со својата комбинација на облека на формални настани, меѓутоа, тој не е единствен.
Канадскиот премиер Џастин Трудо повторно ја насмеа јавноста и светските лидери во Давос кога на момент ги крена панталоните од оделото како би ги затегнал чорапите.
Трудо е познат по тоа дека сака да носи шарени и упадливи чорапи.
Тој имено и пред два дена на една од конференција носеше упадливи плави чорапи.
Трудо во Давос во 2016-та носеше темноцрвени чорапи со мртовечка глава и вкрстени коски под неа во флуоросцентна жолта боја, додека оваа година се одлучил за виолетови чорапи со крупни жолти патки.
Бидејќи го привлече вниманието со своите шарени чорапи, Трудо од претседателот на една компанија доби чорапи со мечиња за подарок.