ФРАНЦИЈА ПОД ОПСАДА: Во пресрет на изборите откажани сите претседателски собири-Оланд најавува внимание!

Добивај вести на Viber

Последниот ден од кампањата за претседателските избори во Франција е пореметен поради екстремистичкиот напад на Шанзелизе (Елисејските полиња), во центарот на Париз, во кој е убиен еден полицаец, додека двајца полицајци и една туристка се повредени.

Францускиот претседател Франсоа Оланд вети во телевизиска изјава апсолутно внимание да се обезбедат претседателските избори, чиј прв круг се одржува во недела.

Во моментот кога се случил нападот главните претседателски кандидати ги давале последните предиборни изјави на ТВ. Тие го осудиле нападот и изразиле поддршка на силите за безбедност.

Кандидатката на крајната десница Марин ле Пен, кандидатот на десницата Франсоа Фијон и кандидатот на центарот Емануел Макрон ги откажале своите последни собири предвидени за денес во внатрешноста на земјата.

Францускиот претседателски кандидат Емануел Макрон ги моли француските гласачи да останат со „ладна глава“ поради пукањето на Елисејските полиња каде загина еден полицаец.

Говорејќи денес Макрон рекол: „Она што напаѓачите го сакаат е смрт, симболизам, да сеат паника и да го рушат демократскиот процес, што се претседателските избори“.

Макрон кој е моментален фаворит, рекол дека ги откажал денешните активности поврзани со кампањата поради „достоинство“ и како би и дозволил на полицијата да ги насочи ресурсите на истражување на нападот.

На прашањето дали нападот ќе се одрази на претседателските избори во неделата, рекол дека не знае.

Тој се заколнал дека доколку победи, внатре неколку недели ќе формира работна група која ќе соработува со француските разузнавачки служби со цел борба против терористичката група Исламска држава, која ја презеде одговорноста за нападот од синоќа.