ГРЦИТЕ НЕ СЕ ОТКАЖУВААT: Сепак ќе има протест за одбрана на името „Македонија“

Добивај вести на Viber

Грците не се откажуваат од намерата да протестираат во Атина за одбрана на името „Македонија“. 

Новиот протест официјално е закажан за 4 февруари во 14 часот на плоштадот Синтагма во Атина, соопштија на прес-конференција организациите и здруженијата кои го организираат протестот, во голем дел од дијаспората, наведувајќи дека формирале координативен комитет задолжен за организацијата и повикаа на масовно учество.

Организаторите го повикуваат грчкиот народ да продолжи во неговата борба, бидејќи како што наведуваат, територијалниот интегритет на земјата е под закана од отстапувањето на името Македонија и дека само масовно учество на народот може да го спречи тоа. 

За разлика од протестот во Солун, каде што на насобраните граѓани им се обратија претставници на организаторите, овој пат во Атина, нема да има говорници, освен ако не се најде општо прифатена личност што ќе ги поздрави присутните. Во овој контекст се споменува името на познатиот грчки композитор Микис Теодоракис. 

Претходно во Солун имаше протест со истата цел на кој излегоа 90.000 луѓе.