Катар не попушта, преговори само ако се укинат санкциите и блокадите
Објавено во: Свет 19 Јуни, 2017
Катар нема намера да седне на никаква преговарачка маса со своите соседи се додека е под санцкии и блокади, како и обиди да се изврши притосок врз оваа земја од Перискскиот залив која се повеќе се доближува до Иран.
Катарскиот министер за надворешни работи, шеик Мохамед бин Абдулрахман ал Тани ја потврди оваа определба која ќе важи се додека Саудиска Арабија и нејзините сојузници не ја прекинат блокадата, која е воведена против неговата земја.
Ал Тани ги оцени санкциите, кои се воведени против Катар од страна на неговите соседи, како акт на агресија и настојува за нивно укинување како услов за какви било преговори.
– Нека им биде јасно на сите дека преговори треба да се водат цивилизирано и на стабилни основи, а не под притисок или блокади, изјави шефот на катарската дипломатија.
Саудиска Арабија, Обединетите Арапски Емирати, Бахреин и Египет на 5 јуни ги прекинаа сите врски со Катар, обвинувајќи го за поддршка на тероризмот и зближување со нивниот голем регионален противник – Иран.