Милионски казни за Рајанер: Ова всушност значи поскапа карта?
Објавено во: Свет 23 Февруари, 2019
Поради политиката на превоз на багаж, италијанскиот заштитник на конкуренцијата ги казнил авиокомпаниите Рајанер и Визер кои ќе мора да платат милионски пенали.
Ирскиот Рајанер ќе мора да плати три милиони евра. Двајцата превозници им дозволуваат на патниците со себе да понесат само едно мало парче багаж, кој може да се стави под седиштето, или пред нив. За поголеми торби мора да платат.
Правобранителот за заштита на конкуренцијата во Италија смета дека наплата од 5 до 25 евра за таков багаж значи зголемување на цените на авио-карти на нетранспарентен начин.
Рајанер, кој најави нова политика минатата година, ги демантираше обвинувањата во последните месеци.
Меѓудругото, нагласи зголемена точност на летови поради брзото качување во авионите.