(ВИДЕО) Најголемото достигнување на научниците досега: Првата слика од црна дупка во вселената
Објавено во: Свет 11 Април, 2019
Од шест различни места во светот, вчера преку пресконференции во истовреме беше објавена првата направена слика од Црна дупка. Конечно научниците по собирањето, сортирањето и анализирањето на податоци со слика успеја да го докажат она што Алберт Ајнштајн го пресметал уште пред 100 години.
Сликата која ја презентираа научниците е револуционерна.
За добивање на оваа слика од црната дупка научниците поврзале осум силни радиотелескопи низ светот со што симулирале огромен телескоп, способен за снимање на оваа прва историски важна слика од црната дупка.
На шест пресконференции истовремено на различни локации научниците ја презентираа првата досега направена фотографија од црна дупка во вселената. Ова е почеток на нова ера за науката.
Направената фотографија е за Нобелова награда, а заслуги за тоа има 29-годишната Кејти Боуман која го предводела тимот кој работел на алгоритмот.
Оваа достигнување на научниците до неодамна се сметаше за недостижно, пренесува Гардијан.