НЕМИРИ ВО ПОЈАСОТ ГАЗА: Со авиони се нападнати објекти
Објавено во: Свет 14 Јули, 2018
Воени авиони и беспилотни летала од Израел денеска извршија воздушни напади против воени објекти на Хамас во Појасот Газа, информираше командата на израелската армија.
Цел на нападите, во кои се повредени две лица, е „напаѓачки терористички тунел во јужниот дел на Газа и уште неколку терористички цели во воени објекти низ целиот појас“.
Припадниците на Хамас во тие објекти подготвувале терористички напади, а биле обучувани и борци на движењето. При израелскиот напад врз Газа, кон израелска територија се истрелани 17 ракети, од кои пет се пресретнати од страна на израелскиот систем за противвоздушна одбрана.