Ништо од Џеј Ло на отворањето на Мудијалот
Објавено во: Стил 09 Јуни, 2014
Славната американска пеачка и глумица од порториканско потекло Џенифер Лопез го откажа настапот на свеченото отварање на Светското првенство во Сао Паоло на 12 јуни.
Како што соопштуваат од Меѓународната фудбалска федерација (FIFA), Лопез го откажала улчеството на отворањето „поради продукциски причини“ и таа нема да се појави на стадионот Коринтијанс.
Четириесет и четири годишната Лопез требаше да пее заедно со раперот Питбул, бразилската пеачка Клаудија Леит и групата Олодум на официјалната химна на Мундијалот „Ние сме едно“.
Светското првенство ќе биде оддржано од 12 јуни до 13 јули.