Ново апсење за бомбашкиот напад во лондонското метро
Објавено во: Свет 17 Септември, 2017
Британската полиција уапси уште еден осомничен како дел од истрагата за петочниот бомбашки напад во лондонското метро, кога беа повредени најмалку 30 лица.
Во западното лондонско предградие Хаунслоу, непоредно пред полноќ, синоќа бил уапсен 21-годишен маж. Тој бил приведен согласно британскиот закон за тероризам и одведен во полициска станица во јужен Лондон.
Претходно вчера британската полиција во пристанишниот град Довер уапси 18-годишно момче и претресе зграда во градот Санбери, крај Лондон, во врска со нападот.