ОТКАЖАНИ ЛЕТОВИ, ЗАТВОРЕНИ ТРГОВСКИ: Ги чека нешто што не се случило 25 години
Објавено во: Свет 04 Септември, 2018
Тајфун каков што немало во последните 25 години, денеска ја погоди Јапонија, создавајќи проблеми во сообраќајот на островот Шикоку.
Аеродромите откажаа 650 летови, а многу железнички линии се во прекин. Големите трговски центри на подрачјето на Осака одлучија денеска да останат затворени.
Невремето е проследено со силен ветер кој на моменти достига брзина од скоро 220 километри на час.
Се очекуваат поројни дождови, а населението во одредени зони ќе мора да се евакуира.
Тој би требало да мине низ западниот дел на главниот остров Хоншу.
Тајфунот патува многу брзо, продолжувајќи го патот во правец север-североисток 45 километри на час.
„Со ветер од 160 до 190 километри на час во централниот дел, Јеби спаѓа во категоријата "многу силен", "најсилен тајфун од 1993 година"- вели Рјута Курора од метеоролошката агенција.
Премиерот Шинзо Абе го откажа патувањето на запад и свика кризен состанок на кој побара од населението „да преземе мерки за безбедност“.
Јапонија често е на удар на тајфуни кои ја пустошат земјата.
Оваа година земјата се соочи со неколку тајфуни кои предизвикаа свлечишта.