Петков за грчки медиум тврди дека без Бугарите во Уставот нема да дозволат Македонија да преговара со ЕУ
Објавено во: Македонија 21 Март, 2022
Без гаранции за правата на Бугарите во земјава, Македонија нема да добие датум за почеток на преговорите. Ова во интервју за грчки Катимерини го изјави бугарскиот премиер Кирил Петков.
„Ние сме за европската перспектива на Македонија, како и на Албанија. Но, постојат одредени работи што треба прво да се решат, како што е почитувањето на правата на Бугарите во Македонија, со гаранции во рамките на Уставот. Имаме план и многу добра комуникација со Владата на Македонија и се надеваме дека брзо ќе одиме напред“, изјави Петков.
Премиерот Димитар Ковачевски денес вели дека односите меѓу Македонија и Бугарија се во нагорна линија, но има и такви кои сакаат поинаку.
Во Скопје во среда и четврток во прва официјална посета доаѓа новата шефицата на бугарската дипломатија Теодора Генчовска, која ќе се сретне со нејзиниот колега Бујар Османи.
Поради ветото од Бугарија, Македонија не може да ги почне преговорите.