Револтирани родителите на убиените кај Смилковско езеро поради одлуката за повторно судење
Објавено во: Македонија 25 Ноември, 2017
Револт има кај родителите на момчињата кои беа убиени кај Смилковско езеро во 2012 година, откако Врховниот суд одлучи да ја укине пресудата во предметот „Монструм“ и да го врати судењето во првостепениот суд на повторно одлучување.
Дел од родителите не сакаат да ја коментираат судската одлука, само порачуваат дека случајот во кој тие ги загубија своите најмили, бил злоупотребуван за политички цели, објави Телевизија 24.
Како што информираа од судот, ваквата одлука е донесена поради тоа што „фактичката состојба е погрешно и нецелосно утврдена, бидејќи пониските судови, теоријата на докажување ја засновале на искази кои биле контрадикторни“.
Од понеделник ќе се знае дали осудените ќе бидат пуштени да се бранат од слобода. Кривичниот суд во 2014 година изрече доживотна казна за шестмина обвинети.