Шефот на VW под лупа: Молчел и мател на берза
Објавено во: Свет 18 Мај, 2017
Извршниот директор на Фоксваген Матиас Мулер е под истрага поради сомение дека манипулирал на берзите бидејќи не објавил навремено информации за лажирањето со емисијата на гасови.
Обвинителството во Штудгард во соопштението го потврдило пишувањето на медиумите дека Федералното раководство за финансиски надзор поднело жалба во 2016 против повеќе директори на компанијата „Порше автомобил холдинг СЕ“ со седиште во Штудгард, која има мнозински пакет акции во Фолксваген.
Жалбите се поднесени и против Ханс Дитер Печ кој бил на функцијата во двете компании, и против Мартин Винтеркорн , екс директорот на Фолксваген кој поднел оставка после избивањето на скандалот во 2015г.
Сите тројца биле директори во компанијата „Порше СЕ“ кога е откриена измамата.
Обвинителството соопштило дека испитува дали го одложувале објавувањето на информации за тоа дали Фолксваген во дизел возилата вградувал софтвер кој прикажува помалку загадување со издувните гасови од вистинското и можни финансиски последици на холдинг компанијата.