Што кријат белешките на екс директорот на ФБИ, доволно ли за импичмент на Трамп?

Добивај вести на Viber

Екс директорот на ФБИ Џејмс Коми кој беше отпуштен од Доналд Трамп ќе треба да и ги достави на Комисијата за разузнавање на американскиот Сенат белешките кои ги правел по секоја средба или разговор со претседателот на САД.

Проблематично е што ФБИ е независна истражна институција која не треба да има политички влијанија, а Трамп од Коми изрично барал лојалност за што тој не се обврзал. Потоа во еден разговор во Белата куќа Трамп индиректно рекол дека се надева дека Коми ќе направи да престане истрага против неговиот советник за безбедност Мајкл Флин кој се сомничи дека соработувал со руски државни служби. Ваквиот притисок критичарите на Трамп го оценуваат како попречување на правдата.

Коми сведочеше на отворена седница на Комисијата за разузнавање на американскиот Сенат, а сите доверливи и класифицирани информации од типот дали Трамп имал заговор со руските служби, дали се води истрага за него додека бил во Русија каде наводно има сомнежи дека бил сниман со проститутки па уценуван и дали неговите советници се под влијание на Русија ги откри на затворена седница. 

Во САД исто така се води истрага и на специјален обвинител кој е поранешен шеф на ФБИ и се смета дека токму неговиот избор е направен со цел да му се возврати на Трамп што се обидел да ја извалка оваа значајна институција.