СИТЕ ОЧИ ВПЕРЕНИ ВО БЕСА И СДСМ: Двете партии пред важни одлуки
Објавено во: Македонија 28 Мај, 2017
Сите очи денеска се вперени во можеби идните коалициони партнери Зоран Заев и Билал Касами.
Јавноста во 15 часот ќе ја слушне одлуката на движењето БЕСА дали ќе дејствува како опозиција или ќе биде партнер на СДСМ во владата.
БЕСА во 13.30 закажа централно претседателство, додека СДСМ финалната одлука за министрите ќе ја носи попладнево меѓу најтесното раководство, потоа и на Централнен одбор кој е закажан за вечерва
На вонредната седница на ЦО мандатарот и неговата партија ќе решаваат за понатамошните насоки за преговорите за новата влада .
Засега извесно е дека во новата влада министер за одбрана и потпретседател на Владата ќе биде Радмила Шеќеринска а Оливер Спасовски ќе седне во министерската фотелја на МВР.
Сепак останува конечната листа да ја дознаеме по вечерашните консултации на Бихаќка откаде што се можни и изненадувања.
Од ДУИ вчера вечерта ги предложија нивните министри.
Хазби Лика за вицепремиер за политички систем и односи меѓу заедниците .
Партијата на Али Ахмети ги предлага Хазби Лика за вицепремиер задолжен за спроведување на Охридскиот рамковен договор Бујар Османи за вицепремиер за евроинтеграции, Билен Салиу да води со ресорот правда, Садула Дураку за министер за екологија, Куштрим Бектеши за местото министер за економија и Рамиз Мерко за министер без ресор.