(ВИДЕО) ХОРОР СЛИКИ: Пожарите направија пустош во Грција
Објавено во: Балкан 15 Август, 2019
Морничави слики има во Грција, по пожарите кои ја зафатија земјата.
Шумата која е под заштита на еколошката мрежа „Натура 2000“ е претворена во жариште, откако завчера на еден дел од островот Евиа се прошири голем пожар.
Изгорената шума беше дел од 19-те заштитени шуми во соседна Грција во рамките на споменатата еколошка мрежа.
Станува збор за подрачје препознатливо по широкиот спектар на ретки билки и животни, а во шумата живееле и загрозени животински видови.
Огнената стихија не можеше да биде ставена под контрола ниту следниот ден, а и натаму на неколку локации пожарникарите се борат со огнот.
Вчера илјада пожарникари беа на терен, а имаше и повеќе од 50 активни пожари во Грција. Минатата година Грција се соочи со големи пожари, при што имаше и жртви.