(ВИДЕО) Маж киднапираше авион, специјалци го убија
Објавено во: Свет 24 Февруари, 2019
Мажот кој се обиде да киднапира авион е ликвидиран.
Припадници на специјалните сили на Бангладеш го ликвидирале мажот кој наводно се обидел да упадне во пилотската кабина на авионот на компанијата „Бирман Бангладеш ерлајнс“ на летот од Дака до Дубаи поради што пилотот принудно слетал во Читагонг.
Мажот му рекол на пилотот дека има лични проблеми со сопругата и дека сака да разговара со премиерот на Бангладеш.
„Се обидовме да го уапсиме или да го натераме да се предаде, но тој одби и потоа го ликвидиравме“, рекол генерал мајор Мотијур Рахман.
Пред да влезат специјалците во авионот, сите 142 патници и поголемиот дел од членовите на екипажот безбедно се евакуирани. Напаѓачот задржал само еден член на екипажот како заложник.
Идентитетот на напаѓачот засега не е познат.