(ВИДЕО) ТРАУМА ЗА ЦЕЛ ЖИВОТ: Вака продавачка нокаутира полицајка на пазар во Србија

Добивај вести на Viber

Aлиса Меметовиќ, комунална полицајка , вчера е нокаутирана од страна на продавачка на пазар во Белград, пренесоа српските медиуми. 

Како што се наведува причината за нападот е тоа што полицајката се обидела да и ја одземе шверцуваната роба. По нападот, продавачката е приведена а Алиса префрлена во болница.

Бруталниот напад се случил половина час пред 12 напладне. Снимката која е објавена на социјалните мрежи докажува дека Алиса е претепана на пазар додека си ја вршела работата.

-Полицајката заедно со колегите беше во обиколка на пазарот на Видиковец. Продавачката пак имаше куфер полн работи кои планираше да ги продаде. На инцидентот му претходеше караница меѓу двете, бидејќи Алиса инсистираше да и ја земе нелегалната стока. Продавачката се обиде да избега, но Алиса и го зеде куферот од кој работите почнаа да паѓаат - рекле сведоци и додале: 

-Тие две почнаа да се туркаат. Во еден момент разлутената жена и удри тупаница на Алиса во глава . Полицајката падна на земја, а продавачката почна да трчи низ пазарот, но полицијата набрзо ја уапси.Алиса остана да лежи на земја, а шокираните луѓе кои се затекнаа на пазар се обидоа да и помогнат.

Траума за цел живот

Сопругот на Алиса, со синот дошол на местото на инцидентот.

-Ова е страшно што и се случи на мојата сопруга. Таа моментално се наоѓа на максиофацијалното одделение. Многу е вознемирена, често плаче и е под стрес, бидејќи не може да верува што и се случи. Ова е срамота - рекол сопругот на нападнатата полицајка.

-Доживеа траума за цел живот. Постапи согласно со работата која ја извршува, а претрпе насилство и никогаш не ги пречекорила овластувањата. Ова е предупредување вакво нешто никогаш да не се повтори и апелирам на сите да се запре тој пат. Жените треба да се заштитат од насилство, дополнил сопругот на полицајката.

 Foto: Screenshot/Kurir.rs