За субвенционирање на придонеси дефинирано колку работници може да се отпуштат
Објавено во: Економија 06 Мај, 2020
Работодавачите од погодените дејности од корона кризата ќе може да ги добијат субвенциите за исплата на социјални придонеси за април, мај и јуни за своите вработени дури и ако претходно бил откажан договорот за вработување без отказен рок, гласи во измената на уредбата која беше донесена на вчерашната владина седница, а денеска е објавена во Службен весник.
До август бројот на вработени во однос на месец април може да биде намален доколку станува збор за пензионирање и смрт на работник; откажување на договорот за вработување од страна на работникот; откажување на договорот за вработување без отказен рок од страна на работодавачот, спогодбено преземање на работник, престанување на важноста на договорот за вработување врз основа на судска пресуда или утврдена трајна неспособност за работа.
Бројот на вработени од овие причини може да се намали до 15 отсто во претпријатие до 50 вработени, 10 отсто кај работодавач кој имал од 51 до 250 вработени во месецот за кој користел субвенција и 5 проценти кај големите компании со над 250 вработени.
„Бројот на вработени кај работодавачот кој побарува финансиска поддршка, земајќи ги во предвид и вработените преку приватна агенција за вработување, да не е намален за месец април, мај и јуни 2020 година во однос на бројот на вработени со состојба на 31 март 2020 година, освен во случај на пензионирање или смрт“, гласеше условот во првичната Уредба која беше донесена пред еден месец.
Измените се речиси исти со дополнувањето на Уредбата објавено минатата недела за поддршка на платите за април и мај, усогласени со синдикатите и граѓанските здруженија за заштита на работничките права.
Со новата уредба за придонеси се предвидува можноста најпогодените сектори (угостителството, туризмот, транспортот) да користат и друг вид на поддршка, односно субвенции.
Можеби ќе ве интересира
„ПЛАТАТА НА КЕЛНЕРИТЕ ВО ХРВАТСКА 1.200 ЕВРА, ВО АВСТРИЈА 3.000 ЕВРА“: ќе работат само луѓе од трети земји
„Да се напушти вештачкото надувување на капиталните инвестиции“: еве што велат економистите за изборните ветувања на партиите
ПОРАДИ КЛИМАТСКИТЕ ПРОМЕНИ: Колку маслиново масло произведува Шпанија?
СИНОТ НА СВЕТОЗАР, ЈАНЕ ЈАНЕВСКИ, СТАНУВА ПРЕТСЕДАТЕЛ НА УО НА „АУТОМАКЕДОНИЈА“ - и оттаму заминува Џон Илија Јоновски
НОВА ИНИЦИЈАТИВА ДО УСТАВЕН СУД ЗА УКИНУВАЊЕ НА ЧЛЕН 368 ОД ЗАКОНОТ ЗА ОБЛИГАЦИОНИ ОДНОСИ - тој е негативен за приватниот сектор
КОЛКУ ДИВИДЕНДА ЌЕ ДОБИЕ СИМОН, А КОЛКУ САШО НАУМОСКИ - прилепска „Витаминка“ го објави планот, еве ги деталите
ЦРН ДЕН ЗА ГЕРМАНСКАТА ЕКОНОМИЈА: Гигантот го прекина производството по 30 години - позната компанија ја изгуби трката со кинеска фирма
АСО ја охрабрува Владата за измени на Тарифникот за авто-осигурување
Стотици домаќинства сега продаваат струја во Македонија, интересот сепак ограничен
