Зошто Макрон е незадоволен од францускиот аграр?
Објавено во: Свет 24 Февруари, 2019
Францускиот претседател, Емануел Макрон ќе го помине денот на салонот за земјоделство каде пред бројните изложувачи на „Најголемата фарма” на Франција ќе се обиде да ги претстави европските предизвици во аграрната политика, јавува дописникот на МИА.
Саемот се одржува до 2 март во Порт де Версај во Париз. Непосредно пред отворањето на вратите за публиката во 9 часот, Макрон одржа едночасовен говор пред околу 500 луѓе, од кои половина се млади фармери од европските земји. Тој не заборави на традиционалната слика со маскотата на саемот, убава крава која се вика „Иминанс” (Неминовност).
„Аграрна Европа е водечка сила во светот, која ја одржува оваа цивилизација на добра храна, а која денес е загрозена. Од надвор, од внатре, од оние кои би сакале „да се ограничи заедничката европска аграрна политика”, предупреди Макрон.
Макрон вети дека ќе ги брани „сите земјоделски филијали” и сите земјоделци преку „Европа која ги штити, и која секогаш ја подготвува иднината.”