Грамоз Ручи му честита на Џафери и го кани во Тирана
Објавено во: Македонија 21 Август, 2020
Спикерот на албанскиот парламент Грамоз Ручи, му го честиташе реизиборот за спикер на македонскиот парламент на Талат Џафери.
Додава дека неговиот повторен избор е потврда за зрелоста и еманципацијата на албанската политичка елита во Република Северна Македонија.
„Ви упатувам најсрдечни честитки по повод вашиот реизбор, од мое лично и од име на Собранието на Република Албанија. Вашиот реизбор претставува потврда за зрелоста и еманципацијата на албанската политичка елита во Северна Македонија и нејзината одговорност за консолидација на демократијата, изградбата на праведно општество, економски и општествен развој и забрзување на евроатланските интегративни процеси на Северна Македонија“, се наведува во чеситката.
Изразува убеденост дека зголемувањето и зајакнувањето на политичката застапеност ќе служат за подобрување на благосостојбата и поттикнување на проширување на вклученоста на Албанците на сите нивоа и институции во нашата земја.
Тој го покани Џафери да ја посети Албанија.
Денеска со 62 гласа „за“ и 43 „против“ Џафери е реизбран за спикер.
Џафери по седницата даде збор дека претседател на парламентот ќе биде во служба на сите 120 пратеници без разлика што дел од нив не гласале за него.