Како приходот на скопска Пивара надмина 60 милиони евра?

Добивај вести на Viber

13,1 милиони евра изнесува добивката која Скопска Пивара ја прокнижи лани а таа добивка е повисока за 2,3 милиони евра ако се спореди со 2016та.

61,8 милиони евра пак изнесуваат приходите кои Пивара Скопје ги остварила лани и тие приходи се поголеми за 4,2 милиони евра од 2016та.

Ова се податоци од независната ревизија објавен на интернет страницата на Македонската берза за хартии од вредност.

Извештајот покажува дека бруто добивката на компанијата лани изнесува 30,4 милиони евра и книжи раст за 1,3 милиони евра во однос на 2016 година. Најголема расходн ставка се трошоците за маркетинг и продажба. Лани тие изнесуваа безмалку 10 милиони евра, а пораснале за 0,5 милиони евра во однос на 2016 година. Административните трошоци на најголемата пиварница во земјава лани биле 4,15 милиони евра и се пониски за 440.000 евра во однос на 2016 година.

Нето добивката на Скопска пивара е 13,1 милиони евра и таа лани во споредба со 2016 година пораснала за 2,3 милиони евра. Лани друштвото исплати дивиденда од 12,3 милиони евра за успешното работење во 2016 година.

На македонскиот пазар најголем конкурент на Пивара Скопје е Прилепската пиварница која бележи континуиран раст на приходите, но е значајно помал производител од Пивара Скопје. Лани прилепската компанија остварила приход од 28,7 милиони евра и тоа е речиси на половина од приходот од продажба на Пивара Скопје. Нето добивката на Прилепска пиварница лани била 2,9 милиони евра.

Р. Ф.