Системот падна, електронските рецепти пропаднаа

Поради тоа од Министерството соопштија дека денешниот ден  ќе го сметаат како пилот фаза , а од си дадоа и рок од еден месец за да ги отстранат сите недостатоци. Од министерството посочија дека проблемите биле маргинални по што им се извинија на пациентите за непријатностите денеска при набавката на своите лекови. Оттаму посочија дека ова бил прв и единственогромен систем, кој се имплементира во кој било здравствен систем во светот. „Денеска имавме максимален број на реализирани разменети податоци, над 1.500.000 податоци што претставува убедливо најголем број разменети податоци во единствен систем во историјата на Република Макодонија. Проблемите коишто беа детектирани најмногу се должат на неусогласеноста и неоптимизираноста на програмските пакети коишто ги користат лекарите од примарна здравствена заштита со софтверот на Министерството. Поради ова, денеска во 18 часот е свикан итен состанок со сите програмерски куќи со цел надминување на овие проблеми. Сакаме да потенцираме дека за време на тест периодот до денешниот ден системот функционираше беспрекорно, но за да можеме да ја имаме вистинската слика за потребите и успешноста на системот, мораше во реално време да се имплементира, при што целиот здравствен систем мораше да го користи истовремено“ соопштуваат од Министерството Идејата на системот беше матичниот лекар, лекот да го пропишува по електронски пат, а пациентот за да си ја подигне терапијата во аптека  доколку нема  електронска здравствена картичка  ќе може да го каже  матичниот број или бројот на здравственото осгурување кој го има на здравствената легитимација. На овој начин се добива поголема евиденција за  институциите и лекарите.