А КОНТРОЛА? Маж со наполнет пиштол влегол во авион на лет од Барбадос до САД

Добивај вести на Viber

Маж со наполнет пиштол во џебот успеал да се качи во авион на летот од Барбадос до Мајами, Флорида, објавија американските медиуми.

Патникот имал оружје во кое имало пет куршуми за време на целиот лет, кој траел четири часа, наведува мрежата NBC6.

Агентите на TSA успеале да го пронајдат пиштолот на аеродромот во Мајами. Го носел  меѓу неговите лични предмети. Мрежата не соопшти кога се случил инцидентот.

Според NBC6, патникот и признал на американската полиција дека имал оружје кога се качил во Бриџтаун, главниот град на Барбадос.

Полицијата го приведе, а судијата го обвини дека сокрил оружје, за што може да добие пет години затвор на Флорида.

Патникот рече дека не е виновен и дека мора повторно да се појави на суд во средината на декември.

Премиерката на Барбадос, Миа Мотли, во петокот рече дека побарала „итен извештај“ за настанот, ветувајќи дека лицето или лицата кои дозволиле инцидентот да се случи ќе одговараат.

„Последиците за нашата земја се тешки и огромни“, додаде таа.

Ова е голем пропуст за Соединетите држави, кои се обидуваат да ја обезбедат својата граница што е можно повеќе, особено на аеродромите, по нападите на 11 септември 2000 година.

Вашингтон бара од странските влади да ги спроведат американските безбедносни стандарди на аеродромите од кои полетуваат авионите кои летаат директно за САД.