АХМЕТИ ОД МАЛА РЕЧИЦА: Нема потреба од избори, очекувам решение со Бугарија по Нова година
Објавено во: Македонија 27 Декември, 2021
Не треба да има предвремени парламентарни избори, затоа што имаме многу задачи за завршување, смета Али Ахмети, лидерот на Демократската унија за интергација (ДУИ). Тој на брифинг со новинарите во Мала Речица рече дека евентуални нови избори ќе водат до нова непредвидливост.
Ахмети вели дека, иако се пролонгираше решението, тој е оптимист за спорот со Бугарија.
„Јас сум во кампот на оптимисти и очекувам и позитивен епилог по стартот на новата година. Сепак има некои позитивни сигнали, по пролонгирањето, кое беше поради внатрешни работи во Бугарија. Сепак имаа три парламентарни избори за осум месеци, вели Ахмети.
Вели дека ставот на Бугарија е да се признае бугарското малцинство во Македонија, за што Ахмети смета дека нема да ја загрози државата ако тие се вметнат во Усатвот, иако според последните информации тоа не било прифатливо за нашата страна.
Ахети порача партиите да не прават дневна политика од ова прашање оти треба да се чуваат долгорочните државни интереси. Лидерот на ДУИ е дециден дека со зачленувањето во НАТО за 100 отсто е зголемен интересот на странските и домашни инвеститори.
Н.Н.Ф.