Албанија објави податоци за разузнавачите и предизвика тревога од највисок степен во НАТО
Објавено во: Балкан 25 Декември, 2018
Албанското министерство за финансиии од немарност предизвика тревога од највисок степен во НАТО откако без да знае дека не смее така да постапи со класифицирани податоци објави информации за трошоците на разузнавачите, имиња и презимиња, нивните пасоши, возила, дневници, регистрациски броеви и др. објави „Индипендент“.
Тоа предизвикало паника во НАТО, чија мрежа е интегрирана со онаа на албанската разузнавачка служба ШИШ по приемот на Албанија во евро-атлантскиот сојуз.
Податоците биле објавени во рамките на редовниот годишен финансиски извештај и завршна сметка, нешто пто не смеело да се случи и морало да биде „заштитено“.
ШИШ директно му одговара на албанскиот премиер Еди Рама,а поделена е на пет структури - оперативна, надворешно разузнавање, контраразузнавање, антитероризам и служба за борба со организиран криминал.