Американските работодавачи не сакаат да плаќаат прекувремена работа
Новите правила треба да стапат во сила од 1 декември.
Објавено во: Економија, Свет 21 Септември, 2016
Неколку американски држави и организации на работодавачи започнаа две правни постапки против одлуката на администрацијата на претседателот Барак Обама да го зголеми плаќањето на прекувремената работа.
Станува збор за дополнителните часови на околу 4,2 милиони луѓе.
Во средината на мај Министерството за труд воведе нова регулатива, која обезбеди плаќање на прекувремената работа на вработени кои заработуваат до 47 476 долари годишно над 40 часа неделно. Таквата можност досега имаа оние со два пати помали примања односно 23 660 долари.
„Овој праг на платите ќе доведе до значително зголемување на трошоците за работна сила и ќе предизвика многу турбуленции" - смета Ренди Џонсон, еден од лидерите на организациите на работодавачи во Американската стопанска комора.
Администрацијата на Обама гарантира дека ова правило ќе доведе до зголемување за 1,2 милијарди долари годишно на месечните плати и би спречило вработените да работат бесплатно.