Асад тврди дека Западот го измислил нападот со хемиско оружје
Објавено во: Свет 13 Април, 2017
Претседателот на Сирија, Башар ал-Асад вели дека наводниот напад со хемиско оружје минатата недела, за што е обвинета неговата влада, е „100 процентна измислица."
Тој смета дека Западот, а првенствено САД, соработуваат со терористите. Вели дека нападот со хемиско оружје е нивна измислица за да имаат повод со напад.
Асад во интервју за медиумите вели дека неговата влада го предала сето свое хемиско оружје.
„Ние се откажавме од нашиот арсенал пред неколку години“- рече Асад.
Дамаск и Москва, тврдат дека токсичниот гас од кој загинаа повеќе од 80 луѓе во сирискиот град бил ослободен кога владините бомби погодиле депо за хемиско оружје, контролирано од бунтовниците.
Асад изјави дека ќе овозможи "непристрасна" истрага за инцидентот за да се осигура дека тој нема да се користи за „политизирани цели.