АСО му ја одзема дозволата на Владимир Тошевски, директорот на Осигурителна полиса
Објавено во: Економија 15 Јуни, 2020
Агенцијата за супервизија на осигурувањето ја повлече согласноста за вршење на функцијата член на орган на управување на Владимир Тошевски кој досега беше директор на Национална групација за осигурување Осигурителна полиса АД Скопје. Тошевски беше инаку извршен член на Одборот на директори на Осигурителна полиса.
Националната групација за осигурување АД Осигурителна полиса Скопје е друштво за неживотно осигурување основано во 2005 година со домашен приватен капитал.
Претседател на Одборот на директори е Виктор Влашки. Агенцијата за супервизија ја повлекла согласноста на последната седница одржана на 10 јуни годинава.