Атина утре ја чека тотален колапс
Објавено во: Балкан 05 Јули, 2016
Персоналот во метрото во Атина, електричната железница и трамваите утре ќе одржи 24-часовен штрајк, во рамките на активностите против владините планови за приватизација.
„Урбаниот транспорт е следната активност која е закажана за предавање на незаситните, профитерски приватни интереси, без оглед на драматичните последици од ваквиот избор врз грчкиот народ. Овие деструктивни планови нема да поминат. Работниците во јавниот транспорт ќе се спротивстават“ - соопшти Синдикатот на железничарите.
За утре претпладне е закажан и митинг пред Агенцијата за приватизација „Таипед“, со барање владата да се откаже од плановите за продажба на приватни инвеститори на националната железничка мрежа и нејзината филијала за одржување.
И минатиот месец имаше 4 часовен штрајк.
Во последниве месеци имаше повеќе штрајкови во различни сектори во Грција.