Автопатот Кичево Охрид готов до половина!

Добивај вести на Viber

Груевски продолжува со обиколката, од позиција како што вели на партиски лидер. Вчера во Охрид тој одговараше и на новинарски прашања и рече дека нема намера да си даде оставка од лидерското место во партијата откако е јасно дека тој не успеа да формира Влада.

Инаку вчера Груевски беше на автопатот Кичево Охрид, еден од дват за кој тој од СЈО се товари како првоосмничен за перење пари и злоупотреба заедно со уште 10 свои сопартијци. 

Инаку, што се однесува до автопатот тој е готов до половина, предвидено е изградба на осум клучки на автопатот со што ќе се овозможи вклучување и исклучување на автопатот. Овие клучки се договорени во разговори и по барање на локалното население, а за нивната изградба, како што посочи министерот, ќе бидат обезбедени средства од Јавното претпријатие за државни патишта.

Според Програмата на Владата, по завршувањето на автоипатот Кичево – Охрид ќе почне изградба на автопатската делница Гостивар – Кичево. 

Изградбата на автопатот Кичево – Охрид почна во февруари 2014 година и е еден од поголемите проекти во последните 50 години во Македонија. Автопатот е со широчина од 26 метри, а предвидена е изградба на седум мостови, 22 вијадукти, шест натпатници, 13 потпатници и еден тунел кај Пресека со должина од околу два километра.