Банки и пензиски фондови поседуваат над 1,6 милијарди во записи

Добивај вести на Viber

Над 1,6 милијарди евра – толку е состојбатана државните хартии од вредност заклучно со 10 септември годинава. Министерството за финансии впрочем за толку пари издало хартии од вредност со различна рочност- а за да ги покрие старите долгови, постојано продава и нови записи и обврзници. Овој тип на финансирање на буџетските пореби не е нов, а е својствен и за другите држави. Вчера Министерството за финансии на вонредна аукција која не била одржана претходно понуди 12 месечни државни записи во вкупна вредност од 18 милиони евра, но и 15 годишни државни обврзници во износ од 44 милиони евра.

Фактор ја анализираше вкупната состојба на запишани хартии од вредност. Од сите, заклучно со 10 септември триесетгодишни обврзници се во вкупна вредност од 102 милиони евра. Петнаесетгодишните обврзници кои до тој момент се запишани вредат 525 милиони евра, додека десетгодишните се во вкупна вредност од 82 милиони евра. Состојбата на долгот на петгодишните обврзници изнесува во септември над 136 милиони евра, а на тригодишните над 91 милион евра. Едномесечни, тримесечни и пестмесечни во моментов не се запишани, додека кај едногодишните состојбата е 526 милиони евра. Двегодишните пак се запишани во износ од 118 илиони евра.

Инаку заклучно со август најмногу од записите или над 39 проценти од нив имаат приватните пензиски фондови, а банките поседуваат над 34 проценти од издадените државни обврзници. Осигурителните компании имаат нешто над седум отсто од записите, додека во категоријата друго се околу 18 отсто. Инаку записи имаат и физички лица ама процентот е занемарлив.