Банките кредитори му одговорија на синдикатот на „Фени Индустри“
Објавено во: Економија 03 Ноември, 2017
Синдикалната организација на СИЕР при „Фени Индустри“ АД Кавадарци, до трите банки кредитори достави Барање за повлекување на предлогот за поведување на стечајна постапка против Фени Индустри АД Кавадарци, како и Одлука за организирање на јавен собир за изразување на јавен протест. Со оглед на сите преземени активности во последните неколку дена и заради објективно и транспарентно информирање на пошироката јавност, ви го доставуваме одговорот што банките кредитори го испратија до Синдикалната организација на „Фени Индустри“
„Целта на поднесувањето на Барањето за поведување стечајна постапка на „ФЕНИ Индустри“ АД Кавадарци во никој случај не беше да се затвори друштвото, туку изнаоѓање сериозен инвеститор, кој преку процес на реорганизација ќе донесе долгорочно издржано решение за ФЕНИ. Стечајната постапка не ја гледаме како финален чин, туку како единствен можен пат преку кој би се реорганизирало друштвото и би продолжило успешно да функционира. Убедени сме дека ова е од заеднички интерес за нас како кредитори и за Вас како вработени.
Од друга страна, пак, врз основа на барање на привремениот стечаен управник и со наша претходна согласност како кредитори, судот ни овозможи да ги покриваме сите потребни трошоци за одржување на неопходните функции на „ФЕНИ Индустри“, вклучувајки ги сите трошоци за струја, мазут и останати неопходни трошоци по проценка на привремениот стечаен управник. Доколку ова не се случеше, „ФЕНИ Индустри“ ќе претрпеше огромни штети. Ниту досегашниот сопственик, ниту кој било друг субјект не беше подготвен да ги преземе овие обврски. Согласно претходно наведеното, евентуалното прекинување на претходната стечајна постапка ќе значи и прекинување на плаќањата од наша страна на овие трошоци, а целата одговорност за евентуални штети ќе падне на товар на сегашниот сопственик и на Вас како официјални претставници на вработените. Сакаме да потенцираме дека, без да располагате со какви било релевентни информации за потенцијалните заинтересирани инвеститори Вие се обидувате да го опструирате овој процес.
На крај, нагласуваме дека целиот процес на изнаоѓање на стратешки инвеститор во рамките на законските прописи е целосно отворен за секој кој што има интерес за инвестирање во „ФЕНИ Индустри“. Интересот на нас како кредитори е „ФЕНИ Индустри“ успешно да работи, да може да ги сервисира своите обврски кон доверителите и да обезбеди солидни услови за работа на своите вработени.“
Можеби ќе ве интересира
ПРОДАВАЧКА ДОБИЛА ОТКАЗ ПОСЛЕ 68 ГОДИНИ РАБОТА - поради работата не одела ни на меден месец, граѓаните во солзи
ЕУ ВОВЕДУВА НОВИ ПРАВИЛА: Голем дел од амбалажата што сега ја знаеме, до 2023 година веќе нема да изгледа исто
НЕ Е МАРАТОНЕЦ, НО ТРЧА СО БРЗИНА ОД 6 КИЛОМЕТРИ НА ЧАС - Тиангонг е хуманоиден робот кој се движи како ниеден досега
КОЈА ФАБРИКА ЗА ЧОКОЛАДИ „НАБИЛДА“ ДОБИВКА ОД 240 ИЛЈАДИ ЕВРА ЗА ТРИ МЕСЕЦИ - еве кои се причините
ЗА ЈАХТИ, ХАЦИЕНДИ И СКАПИ КОЛИ ЌЕ СЕ ПЛАЌА ПОСЕБЕН ДАНОК, ЗА ПЛАТИ НАД 7.700 ЕВРА 40 ОТСТО ПЕРСОНАЛЕЦ - еве какви решенија нуди Левица
НАЈНОВА СТАТИСТИКА: Србите сѐ помалку бараат работа во странство, младите сѐ повеќе одлучуваат да останат во својата земја
ЕДЕН ОД НАЈГОЛЕМИТЕ ТРГОВСКИ СИНЏИРИ ВО ЕВРОПА Е ПРЕД БАНКРОТ: Се затвораат 16 стоковни куќи, 1.400 работници остануваат без работа
НАЦИОНАЛНО БИРО ЗА ОСИГУРУВАЊЕ: Цената на авто осигурувањето е непроменета од 2008 година, реално е покачувањето
ВО ГЕРМАНИЈА СЀ ПОВЕЌЕ СЕ ЧУВСТВУВААТ ПОСЛЕДИЦИТЕ ОД КРИЗАТА: Пристигна загрижувачка оценка
