Барам работа во Т-Мобиле или во Алкалоид!

Добивај вести на Viber

Иако секоја година се повеќе и повеќе студенти се запишуваат на факултет, вработување нема за секој дипломиран, независно од тоа која е нивната желба и колку знаење имаат. Според анкетата на факултети.мк 48 отсто од младите во Македонија сакаат да работат во државна администрација. „Во анкетата која ја направивме на интернет, на прашањето "Во која македонска компанија би сакале да работите?" одговорот го дадоа речиси 3.000 лица. На прашањето дали би сакале да работите во приватна компанија или во државна администрација, одговорите навистина беа поделени. Речиси половината од анкетираните, односно, 48% сакаат да работат во државна администрација, наспроти 52% кои сакаат да работат во приватни компании,“ велат од Факултети.мк. Листата беше составена од 200 најуспешни компании во Македонија за 2012-та година. Анкетата беше спроведена на порталот Факултети.мк во период од 26-ти октомври до 5-ти ноември. Во овие компании најголем дел од младите сакаат да работат T-mobile 11 отсто, Алкалиод 10 отсто, Т-home седум отсто, Пивара Скопје пет отсто, Мепсо пет отсто, Макпетрол пет отсто, Електрани на Македонија пет отсто, Комерцијална Банка четири отсто и други.