БЕСОТ НА ГРЦИЈА ПОРАДИ ЗАКИНТОС: Срби, Британци-хаос и анархија и „Пијаното лице на Грција“

Добивај вести на Viber

После смртта на американскиот турист на Закинтос, грчките медиуми и јавност наголемо се занимаваат со проблемите кои настануваат во тоа популарно летувалиште.

Порталот Patratora.gr наведува дека стотици илјади момчиња и девојчиња секоја година летуваат на Закинтос, Крф, Крит, Родос, Кос, а од Грција го видат само Лаганас, Кавос, или Фалираки, кои мутирале во места на кои на лица од 18 до 30 години им е дозволено практично се.

„Фактот дека 22 годишник се враќа во татковината во ковчег, бидејќи е претепан до смрт е факт кој изгледа дека не му прави проблем на никој. Грција, додуша, има компартивни предности во однос на другите популарни летувалишта за млади, цените на Закинтос се пониски во однос на Ибица или Мајорка, а толеранцијата на девијаци е уште поголема-а тоа не е поради традиционалното грчко гостопримство“, се наведува.

Како механизми на репресија и превенција на криминални дела не се на висина на задачата во Лаганас, постои чуство на толеранција и беззаконие.

„Ноќите на Закинтос станаа дел од подземје, а тоа не ги погодува младите кои доаѓаат во Грција како би пиеле до утро и правеле се она што е спротивно со востановениот концепт на лично достоинство. Нивото на деликвенција е во директна врска со отсуство на ефективни контроли и константно е во пораст. Секоја ноќ се случуваат тепачки, убиства, а несвесни тела лежат пред центрите за забава. Сирените кои се слушаат воглавно се сирени на амбулантни возила“, се додава.

Со наведува на морбидни примери за трагедии кои се случиле изминативе години, се додава и дека слични места на Ибица и Мајорка се под контрола која дава чуство на безбедност, додека она што се случува во Грција значи само едно-отсуство на ред и воопшто ред и закон.

„Таканареченото „Пијано лице на Грција“ се шири во светот, а стана сосема нормално некој да го удрите в лице, во пијана состојба, да учествувате во тепачка, да се сликате голи, нечисти и одвратни ситуации итн, итн... Тинејџерите се жедни за анархија и незрело однесување, а кога стигнат каде и да се упатат не постојат бариери за нив. Граѓаните се револтирани и на социјалните мрежи поставуваат фотографии на непознати луѓе кои доаѓаат во нивните места и ги уништуваат“, се истакнува.

Понатаму во текстот се апострофираат и припадници на одредени народи.

„Во инцидентите воглавно учествуваат луѓе од Балканот, Срби, Бугари, Романци и други, а тоа што тие ги напаѓаат „Западњаците“ повеќе отколку што тоа Грците го прават, во Грција, тоа е многу лошо...Србите имаат многу лош иницијален пристап кон Британците и Американците, а клубовите воглавно се поделени на оние кои се „за Срби“ и „за Британци“, се заклучува.