Бизнис акцелераторите, шанса младите да ги реализираат своите соништа за свој бизнис, кажа Анѓушев

Добивај вести на Viber

Со три бизнис акцелератори за млади претприемачи и иноватори младите ќе имаат можност да развијат бизнис и старт ап компании . 

Скоро 2 милиони евра е сумата која се предвидува за овие три проекти а како што кажаа на потпишувањето на трите договори 1,5 милиони евра ги обезбедува Светската банка во соработка со Фондот за иновации и технолошки развој, додека апликантите ќе треба да инвестираат половина милион.

Ова е прв ваков проект во земјава за поддршка на бизнис акцелератори  и лично премиерот најави дека Владата ќе понуди силна поддршка преку едукативни програми, стручни анализи на пазарот, обуки за практична примена и имплементација на новите технологии и иновации и огромна бизнис поддршка којашто ќе им овозможи на старт ап компаниите успех, брз раст и напредок.

Вицепремиерот Анѓушев пак им препорача на младите да ја искористат оваа шанса и да формираат своја фирма бидејќи ќе добијат несамо финансиска поддршка, туку и ќе бидат поддржани со простор и опрема каде што ќе можат да формираат својата фирма, туку ќе бидат поддржани и со знаење, „knowhow“ од областа на менаџментот како своите фирми да ги водат, да ги управуваат и со самото тоа да станат успешни. Акцелераторите

„Акцелераторите се место каде што треба младите луѓе да формираат свои фирми и да ги реализираат своите соништа. „Mobil Eye“, е формирана во акцелератор во Израел и таа е продадена во двоцифрен број на милијарди евра на слободниот пазар“, кажа Анѓушев.