Бојан Јовановски со 9 години казна затвор, Фросина Ременски ослободена во случајот „Меѓународен сојуз“

Добивај вести на Viber

Бојан Јовановски за измама и перење пари во случајот „Меѓународен сојуз“ е осуден на 9 години казна затвор. Неговата помошничка Јасна Херцеговиќ за истите обвиненија е осудена на 4 години. Христина Блажевска, исто така помошничка, доби казна затвор од една година.

Поранешната потпретседателка на СДСМ, Фрозина Ташевска Ременски, се ослободува од обвинението, бидејќи јавниот обвинител немал докази дека ги убедувала измамените со својот авторитет.

Миле Јовановски, таткото на Бојан Јовановски, е осуден на две години казна затвор условно, доколку за пет години не стори кривично дело.

Јовановски и Мандиќ на оштетените треба да му ја надоместат штетата на „Пелистер“ од 719.000 евра и 195.000 евра на Амзовски.

Во 2017 и 2018 Бојан Јовановски искористувајќи ги документите во заблуда ги донел градежните магнати Силјан Мицевски и Ардијан Амзовски, лажно прикажувајќи дека ќе обезбеди државно земјиште и субвенционирање од страна на државата за старечки дом со мобилен сервис, при што тие преку македонска авторска агенција му исплатиле 719.905 евра преку „Пелистер“ и 233.821 евра преку „Дрим Билдинг.“.

Јасна Мандиќ, Христина Блажевска ги изготвувале договорите, ги подигнувале парите и му ги давале во готовина на Боки 13.  

Бојан веднаш ги пуштил во оптек парите, за телевизија и за лични и домашни потреби купувал разни предмети. 

Миле Јовановски со умисла му помогнал на синот да пушти во оптек прави за кои знаел дека потекнуваат од измама. Кај него биле најдени и три полуавтоматски пиштоли и куршуми, кои му се одземаат со денешната одлука.