30 Мај, 2024
0.0281

ФАКТОР АНАЛИЗА: ТОП-100 НАЈГОЛЕМИ КОМПАНИИ ПО ДОБИВКА ВО МАКЕДОНИЈА ЗА 2023 : Бехтел и Енка, Магна Мирорс, Протергиа и РЕС на листата

Објавено во: Економија 13 Мај, 2024

Добивај вести на Viber

Јавното претпријатие „Државни патишта“ и централната банка ја предводат листата на 100 најуспешно рангирани по остварени добивки во Македонија во 2023. Стандардно секогаш на врвот е производителот на катализатори Џонсон Мети од индустриската зона Бунарџик, по што следуваат трите најголеми комерцијални банки во земјата, а по нив и останатите гиганти кои котираат на Македонската берза.

Тука се и компаниите за игри на среќа - Државна видеолотарија, Касинос Аустриа, АД Државна лотарија, Макотен, Апекс и Делта Бет. Малопродажбата, дистрибуцијата на стоки и градежниците се стандардно застапени. Конзорциумот Бехтел и Енка за неполна година од почетокот на својата работа на новите автопати, заработил безмалку 4 милиони евра како добивка и со тоа веднаш направи сефте во рангирањето.

Во Топ-100 има место и за застапниците на автомобилските марки - Мак Аутостар, МА Труст, Порше Македонија и М Кар, како и за аутсорсинг компании и друштва од областа на телекомуникациите. Има и такви за софтверските услуги - сектор од каде што на листата се најде и Аитоникс на Јордан Димитровски, инаку друштво познато по тоа што ги набавува лиценците за сајбер безбедност на владата и другите витални државни органи.

Меѓу нив се и оние од металопреработувачката и автомобилската индустрија. Тука се и голем број од технолошко-индустриските развојни зони, а меѓу нив е и канадската Магна Мирорс, која иако 2023 и беше прва полна година на работа во земјата, направи профит од 9 милиони евра во струшко Мислешево.

За одбележување е и тоа што за прв пат на оваа листа се најде Протергиа Енерџи, грчката компанија во сопственост на Митилинеос, која му продава јаглен на АД ЕСМ за РЕК Битола. Во првите 25 е и битолската Марковски Компани, позната по тоа што добива огромни суми за ископ на јаглен.. 

Топ добивки имаат сите фирми што се поврзани со цената на електричната енергија за домаќинствата - ЕВН Хоме, Електродистрибуција, АД ЕСМ и МЕПСО, па ова нека биде една порака до регулаторот дека нема простор за изговори за повисоки сметки.

На „енергетските“ компании им одело од рака, а тука се две поврзани со поранешниот вицепремиер Кочо Анѓушев - Централ Инвест за производство на електрична енергија од фото и хидро централи, како и Рењувабал Енерџи Суплај (РЕС), во која до оваа година имаше свој удел и неколку години тргува со струја.

Во Топ-100 има и две финансиски друштва за брзи кредити и голем број на компании познати по производството на цевки. Тука се и рудниците и компаниите кои работат на изградба на инфраструктура.

Афирмација за прв пат доживува и компанијата Мега Витал, каде бројот на вработени од неколку се искачил на 52, и инаку е во сопственост на сестрите Викторија и Христина Механџиски, познати како сопственички на Зегин. 

Има и компании со чии дејности досега беше невообичаено да се најдат на списокот - како Интебако (продажба на фотопанели) и Флексо Принт ТП (печатење на хартија). A.K.

Извор: Централен регистар


Можеби ќе ве интересира

ФАКТОР ИСТРАЖУВА: Сватовите на Али Ахмети со најголеми добивки од бизнисите во Кичево

ФАКТОР ИСТРАЖУВА: Сватовите на Али Ахмети со најголеми добивки од бизнисите во Кичево

ЗЛАТНАТА КОКОШКА НА ФАРМАЦЕВТСКАТА ИНДУСТРИЈА - продажбата на овие лекови ќе надмине 150 милијарди долари

ЗЛАТНАТА КОКОШКА НА ФАРМАЦЕВТСКАТА ИНДУСТРИЈА - продажбата на овие лекови ќе надмине 150 милијарди долари

На спектакуларен настан, „Тиквеш“ ги претстави вината од брендот „Луда Мара“

На спектакуларен настан, „Тиквеш“ ги претстави вината од брендот „Луда Мара“

ШТО Е ПРИОРИТЕТ: „Хотели Метропол“ намени за инвестиции најголем дел од добивката, 415 илјади евра

ШТО Е ПРИОРИТЕТ: „Хотели Метропол“ намени за инвестиции најголем дел од добивката, 415 илјади евра

АДСПД СТОПАНИСУВА СО 1.171 ОБЈЕКТИ И ОД НИВ 51 ПРОЦЕНТ НЕ Е ИЗДАДЕН ПОД ЗАКУП: Ревизија излезе со извештај за стопанисувањето со станбен и деловен простор

АДСПД СТОПАНИСУВА СО 1.171 ОБЈЕКТИ И ОД НИВ 51 ПРОЦЕНТ НЕ Е ИЗДАДЕН ПОД ЗАКУП: Ревизија излезе со извештај за стопанисувањето со станбен и деловен простор

КАКО СВЕТОТ ЗАПАДНА ВО ДОЛГ ОД 315 ТРИЛИОНИ ДОЛАРИ? Секој од нас должи 39.000 долари

КАКО СВЕТОТ ЗАПАДНА ВО ДОЛГ ОД 315 ТРИЛИОНИ ДОЛАРИ? Секој од нас должи 39.000 долари

НОВОГОДИШНИ БОНУСИ, ВИСОК К15, ДЕЛ ОД ДОБИВКА НА СМЕТКА - која е компанијата што има олку среќни вработени, а има и богати награди за менаџерите

НОВОГОДИШНИ БОНУСИ, ВИСОК К15, ДЕЛ ОД ДОБИВКА НА СМЕТКА - која е компанијата што има олку среќни вработени, а има и богати награди за менаџерите

ЕВРОПА ВРБУВА 11 МИЛИОНИ ТУРИСТИЧКИ РАБОТНИЦИ - сепак, платите не се доволни, па имаат и втора дејност

ЕВРОПА ВРБУВА 11 МИЛИОНИ ТУРИСТИЧКИ РАБОТНИЦИ - сепак, платите не се доволни, па имаат и втора дејност

ЕВЕ КАКО СЕ ПРОДАВАА НАЈГОЛЕМИТЕ ЈУГОСЛОВЕНСКИ ГИГАНТИ НА БАЛКАНОТ: Прво беше подготвен теренот со светските сили

ЕВЕ КАКО СЕ ПРОДАВАА НАЈГОЛЕМИТЕ ЈУГОСЛОВЕНСКИ ГИГАНТИ НА БАЛКАНОТ: Прво беше подготвен теренот со светските сили