Бојко Борисов по средбата со Бучковски: Нема да ни простат, ако не постигнеме компромис
Објавено во: Македонија 10 Декември, 2020
„Отсекогаш мислам дека на масата на преговорите можат да бидат најдени решенија. Тековните и следните генерации нема да ни простат ниту на Бугарија, ниту пак Република Северна Македонија што не сме нашле компромис да се отвори перспектива “ изјави бугарскиот премиер Бојко Борисов на неговиот состанок денеска со специјајалниот пратеник на македонската влада, Владо Бучковски.
Со цел да се најде одржливо и трајно решение за преостанатите отворени прашања во билатералните односи, според премиерот, неопходен е прагматичен, искрен и добронамерен пристап изразен во конкретни активности.
Премиерот Бојко Борисов истакна дека за враќањето на меѓусебна доверба е важно да се исполнат сите обврски преземени според Договорот за пријателство, добрососедство и соработка, потпишан во 2017 година
„Бугарија отсекогаш испорачувала евроатлантски вредности, затоа за време на нашите Претседателство со Советот на ЕУ, ја покренавме темата за европската перспектива на Западен Балкан на прво место “, рече премиерот Борисов.
Премиерот беше категоричен во тоа дека Бугарија досега вложи максимални напори да земјите од Западен Балкан да влезат во НАТО и да се доближат до ЕУ.