Борисов ќе му „затвори врата“ на Иванов
Објавено во: Македонија 14 Јуни, 2018
Премиерот Бојко Борисов одбива да се состане со македонскиот претседател Ѓорге Иванов, чија средба е закажана за утре наутро пишува бугарскиот "24 часа" од сигурни извори.
Шефот на државата Македонија е веќе во Бугарија наскоро ќе биде примен од неговиот колега Румен Радев.
„Состаноците се откажуваат, ние не сакаме да се мешаме во внатрешните работи на нашата соседна држава. Тоа го изјавиле од Министерството за надворешни работи (МНР)“, го цитираат од БГНЕС соопштението од МНР на Бугарија во одговор на прашање дали средбите на премиерот Бојко Борисов и министерот за надворешни работи Екатерина Захариева со македонскиот претседател Ѓорге Иванов ќе се одржат.
„Нашата позиција е принципиелна и јасна, како и целата меѓународна заедница. Позицијата на претседателот на Република Македонија е јасна. Бугарската влада нема потреба да се меса во домашните дебати во Скопје“, соопштиле од Министерството за надворешни работи, пренесе актуелно.бг.
„Клучно за идниот развој на нашата соседна држава е интеграцијата во ЕУ и НАТО и тоа не смее да биде доведена во прашање“, нагласуваат уште од Министерството, на Екатерина Захариева.
Потсетуваме дека претседателот на Република Македонија Ѓорге Иванов денес (14 јуни) е во посета на Бугарија и требаше да има средби со премиерот и министерот за надворешни работи Бугарија, на кои се очекуваше да биде разгледана темата за решението на спорот за името. Но Ѓорге Иванов одбива да ја прифати одлуката, договорено од премиерите на Грција и Македонија, што е „Република Северна Македонија„. Оваа одлука става точка на долгогодишнио спор меѓу Скопје и Атина и го отвора патот за европската и атлантската интеграција на Македонија.