Борисов засега нема да протерува руски дипломати
Објавено во: Балкан 01 Април, 2018
Остануваме на ниво реакција од Европскиот совет Советот рече дека "најверојатно" зад нападот врз Сергеј Скрипал стои Русија и одлучи да го отповика амбасадорот на ЕУ во Русија Маркус Едерер). Засега нема да гониме руски дипломати - очекуваме дополнителни факти од истрагата во Солсбери. Ова го изјавил премиерот на соседна Бугарија Бојко Борисов по денешната седница на Советот за безбедност на Министерскиот совет.
Борисов даде сосема кратка изјава откако беше спроведена консултација со амбасадорот во Русија Бојко Коцев, кој се врати посебно од Москва, откако беше отповикан за консултација.
Според Борисов, во моментов има особено голема нестабилност на Балканот, а тој ги наброи тензиите меѓу Србија и Косово - поради тоа што се случило во Косовска Митровица, каде што беше уапсен, а потоа протеран шефот на канцеларијата за Косово и Метохија во српската Влада, Марко Ѓуриќ, како и поради тензиите меѓу Грција и Турција, што се зголемија откако турски воени авиони стигнаа дури до Атина.
Борисов ја посочи како точка на напон и Украина, поради Крим, без да влегува во објаснувања зошто сега таму има тензии.