БРИТАНСКИТЕ НАУЧНИЦИ ОТКРИВААТ: Дали нервниот агенс потекнува од Русија?
Објавено во: Свет 03 Април, 2018
Британските научници во научната институција „Портон даун“ не успеаја да утврдат каде бил создаден нервниот агенс новичок со кој се отруени Сергеј и Јулија Скрипаљ, пишува Гардијан.
Русија инсистира дека таа не стои зад нападот и тврди дека обвиненијата на британската Влада се провокација.
Гери Ејткенхед, главниот извршен директор на Лабораторијата за одбранбена наука и технологија (ДСТЛ) во Портон Даун, Вилтшир, изјави дека не е докажано дека тој е создаден во Русија.
Ејткенхед потврди дека за создавањето на супстанцијата се потребни „исклучително софистицирани методи, нешто што е остварливо само на државно ниво“.
Зборувајќи за Скај њуз, Ејткенхед рече: „Успеавме да го идентификуваме како новичок, да го идентификуваме како воен нервен агенс. Не успеавме да го откриеме точниот извор, но ѝ ги дадовме научните информации на владата, која потоа користеше голем број други извори“.