Бугарскиот пратеник Костадинов ја нарече Македонија втора бугарска држава
Објавено во: Македонија 19 Октомври, 2022
Нови провокации денеска има од соседна Бугарија. Бугарскиот пратеник Костадин Костадинов од политичката партија „Преродба“ на денешната прва седница од новиот бугарски парламент изјави дека Македонија е втората бугарска држава.
„Должни сме да го заштитиме бугарскиот национален интерес во втората бугарска држава во Европа, Македонија или како што е од скоро Северна Македонија“, изјави Костадинов.
Корнелија Нинова, претседателка на бугарската социјалистичка партија бара Бугарија да го врати ветото за Македонија. Истото го бара и Слави Трифонов од „Има таков народ“.