Бујар Османи: Изјавите на Заев се предизборни

Добивај вести на Viber

Откако претседателот на СДСМ, Зоран Заев, на вчерашната прес-конференција рече дека владиниот партнер ДУИ треба да се „исчисти“ од последиците на претходниот режим, кога беше во коалиција со ВМРО-ДПМНЕ, вицепремиерот за европски прашања Бујар Османи на денешниот партиски настан рече дека тоа се изјави во предизборие кои не се сфаќаат сериозно, пренесува ТВ21.

Заев вчера рече дека СДСМ во коалиција со БЕСА ќе го победат ДУИ во шестата изборна единица, но за Османи тоа сепак не е предавство за „интегративците“ од страна на „социјалдемократите“.

- Не воопшто. ДУИ е победничка партија на овие избори, го претставува албанскиот интерес. Калкулациите кои се прават за партиски интереси за останување на политичката сцена, воопшто не се однесуваат на интересот на граѓаните, рече Османи денеска и напомена дека досегашните предизборни соработки со СДСМ  за градоначалници и за претседател на државата биле неопходни бидејќи можело да се избере само еден победник.

Заев ја остави отворена вратата за предизборна соработка со сите партии, освен со ВМРО-ДПМНЕ, нагласувајќи дека нема да се прифатат уценувања од партии кои нема да ги почитуваат нивните начела.